විද්‍යාලයීය විදුහල්පතිතුමියගේ ප්‍රධානත්වයෙන් ගුරුභවතුන් සියයකට ආසන්න ප්‍රමාණයක සහභාගිත්වයෙන් විද්‍යාලයීය මාසික ගුරු රැස්වීම අති සාර්ථක ලෙස නිම කරන ලදී. මෙම රැස්වීමට අධික කාර්‍යබහුල තත්වයක් මැද වුවද අප හා zoom තාක්ෂණය ඔස්සේ සම්බන්ධ වූ විභාග කොමසාරිස් ජනරාල් සනත් පූජිත මැතිතුමන්ට පාසලේ ගෞරවණීය ප්‍රණාමය පුද කර සිටිමු. එතුමන් විසින් අප හට ලබා දුන් උපදෙස් ඉතා අගය කරමු.
නිවාඩු කාලය තුල දරුවන්ගේ මානසික සංවර්ධනය සහ යහගුණ ගොඩ නැංවෙන පරිදි පාඩම් කටයුතු අඛණ්ඩව සිදු කර ගෙන යාම පිලිබඳ විදුහල්පතිතුමිය විසින් ගුරුභවතුන් දැනුවත් කරන ලදී. මෙය පාසලේ පමණක් නොව ශ්‍රී ලාංකේය අධ්‍යාපනය නවමු මංපෙතකට යොමු කිරීමේ පියවරකි. මෙය විදුහල්පතිතුමියගේ අදහසක් අනුව ක්‍රියාත්මක වූ අතර ඒ පිලිබඳව එතුමියට අපගේ ප්‍රණාමය පුද කර සිටිමු.